Om oss

Ottar Håkonsholm

Dagleg leiar i Runde Miljøsenter

Ottar er utdanna Fiskerikandidat frå Universitetet i Tromsø og NTNU. Han har erfaring frå fiskeri, akvakultur, VA, leverandørindustri og har fleire års erfaring med utvikling av selskap som jobbar i skjeringsfeltet mellom teknologi og biologi. Han har eit stort engasjement for hav, kyst, og å skape verdiar basert på kunnskap, etterprøvbarheit og samarbeid, der kretsløpstankegang står sentralt. Kjernekompetanse er leiing, strategi, selskaps-, konsept- og prosjektutvikling i skjeringspunktet mellom forsking og industriell verdiskaping. Ottar har vore prosjektkoordinator i EU prosjekt, leia fleire forsknings- og utviklingsprosjekt av skipsrenseanlegg og kjeldeseparerande renseanlegg for landmarknad. Han har jobba proaktivt for endring av IMO og EU regelverk innan avløpsrensing. Håkonsholm tok over som dagleg leiar i 2021.

E-post: ottar@runde.no | Mobil: +4799537805

Nils-Roar Hareide

Konstituert dagleg leiar i Runde Forsking

Nils-Roar er fiskerikandidat frå Universitetet i Tromsø. Han har hovudfag innan populasjonsdynamikk. Han har fleire års bakgrunn som fiskar og har erfaring frå ei heil rekke fiskeri. Han har arbeidd med havforsking sidan 1988 både ved Universitetet i Tromsø, Møreforsking og ved Havforskingsinstituttet i Irland. Han har tatt del på 31 forskingstokt og vore leiar av 15 av dei. Nils-Roar var ein av gründerane som starta opp Runde Miljøsenter. Han var dagleg leiar i senteret frå oppstarten i 2006 fram til 2021 og har vore involvert i dei fleste prosjekta til senteret, og då spesielt dei langvarige oppdraga om den kystnære silen sin biologi og rolle i økosystemet. Nils-Roar har representert Norge i fleire arbeidsgrupper innafor «Det Internasjonale Rådet For Havforsking (ICES)»

E-post: nilsroar@runde.no | Mobil: +4741291107

Christoph Noever

Marinbiolog

Christoph er marinbiolog med doktorgrad frå Universitetet i Bergen. Han jobbar innan marin zoologi og marin økologi hos diverse dyregrupper, alt frå pattedyr og fisk til virvellause dyr. For det meste har han forska på økologi og evolusjon hos marine evertebratar, og har særleg taksonomisk kompetanse innan krepsdyr. Han er interessert i samspel og interaksjon i det marine miljøet, som parasittologi og fødeøkologi. Han er også interessert i korleis marine samfunn blir påverka av- og reagerer på menneskeskapte påverkingar, som marin forureining og introduksjon av framande artar.

E-post: christoph@runde.no | Mobil: +4796725134

Greta Garnes

Prosjektmedarbeidar

Greta er utdanna Cand. Mag. Real. frå Universitetet Tromsø, der ho studerte botanikk, biologi, og populasjonsøkologi. I tillegg har ho tatt ei pedagogisk utdanning med vekt på biologi og engelsk ved Høgskulen i Volda. Ho har sidan 1991 arbeidd med ulike prosjekt innan fiskeri. Ei viktig oppgåve har vore biologisk prøvetaking av fiskefangstar levert på Møre. Greta har tatt del i fleire EU prosjekt, hovudsakleg innan djuphavsfisk og tapte garn (ghost fishing). Ho har også tatt del i forsøksfiske på Aust-Grønland og vest av Irland. Greta var ein av grunnleggjarane av Runde Miljøsenter og har vore opptatt av miljø i heile sitt vaksne liv.

E-post: greta@runde.no | Mobil: +4799629178

Ingar Støyle Bringsvor

Tekst kjem snart

E-post: ingar@runde.no | Mobil: +4799382242

Lars Golmen

Oseanograf og seniorforskar

Lars er utdanna i fysisk oseanografi. Han har kompetanse på strøyming i havet, havets kjemi og spreiing av forureining, inkludert modellering. Lars har 30 års erfaring med undersøkingar i havet, med prøvetaking, straummåling m.m.. Han har utført diverse KU-prosjekter i samband med nye tiltak i kystsona, inkludert flytebruer og vegar og skipstunellen. Dei siste åra har han vore engasjert i internasjonal FoU omkring CCS, spesielt CO2 lagring under havbotnen, og prosjekt tilknytt sensormonitorering i hav og fjord. Fornybar energi frå havet er eit viktig arbeidsfelt, med engasjement innafor EU, IEA og ICES. I det siste har Lars hatt bistilling som professor ved Tokyo University of Marine Science and Technology.

E-post: lars@runde.no | Mobil: +4747890957

Ørjan Sørstrønen Vabø

Marinbiolog

Ørjan har ei mastergrad i marinbiologi frå Universitet i Bergen. Han tok masteroppgåva si på kartlegging av bentisk megafauna i fjordar (spesielt i dei djupare delane av fjordane, med korall og svamp i hovedfokus). Etter endte studier fortsatte Ørjan med kartlegging av bentiske habitat og samfunn, før han starta i Runde Forsking våren 2022. På Runde har han hovudsakleg jobba med naturtypekartlegging, miljøundersøkingar og generell marin prøvetaking i felt.

E-post: orjan@runde.no | Mobil: +4799341212

Karsten Kvalsund

Fysikar

Karsten har mastergrad i fysikk frå NTNU. Han har jobba på Runde sidan 2011, og har erfaring frå mange ulike felt. Hovudfokus har vore på marin miljøovervaking og -forsking, både i djuphavet med (undervass)glidarar og meir kystnært med meir tradisjonell toktbasert prøvetaking. Sidan 2021 har han hatt ei bistilling på Havforskningsinstituttet, på gruppa for oseanografi og klima.

E-post: karsten@runde.no | Mobil: +4795113164

Erle Smedbold

Marinbiolog

Erle har ein mastergrad i havressursar frå NTNU i Trondheim og ein bachelorgrad i biomarin innovasjon frå NTNU i Ålesund. Bacheloroppgåva fokuserte på biomasseestimater av fisk i merd ved bruk av hydroakustikk. I masteroppgåva si undersøkte ho sjøkreps som ein indikatorart for miljøpåverknad av restfôr frå oppdrettsanlegg i Romsdalsfjorden. På Runde Forsking vil Erle i vikariatet for Ovidie hovudsakleg arbeide mot marin forsøpling og fremje miljømedvit gjennom koordinering av strandryddarar, samt prøvetaking og naturtypekartlegging.

E-post: erle@runde.no | Mobil: +4793832062

Ovidie Mari Lynge

Marinbiolog

Ovidie har ei mastergrad i marinbiologi frå Universitetet i Bergen. Masteroppgåva hennar gjekk ut på å undersøke om algar og dyr i nærliggjande strandsone blei påverka av næringsutslepp frå lakse-oppdrettsanlegg. I Runde Forsking driv Ovidie hovudsakleg med arbeid mot marin forsøpling i form av blant anna koordinering av eit nettverk av strandryddarar, samt at ho har deltatt i formidlingsarbeid, prøvetaking og naturtypekartlegging.

E-post: ovidie@runde.no | Mobil: +4740623432

Annelise Chapman

Marinøkolog

Annelise (Lise) har bakgrunn som økolog frå Tyskland og har tatt master- og doktorgrad innan kystøkologi i Vadehavet i heimlandet. Ho har jobba som forskar i Tyskland, Canada, Storbritannia og Noreg med fokus på marine vegetasjonssystem, som til dømes tareskog. Ho har erfaring frå prosjekt- og forskingsleiing, særleg i skjæringsfeltet mellom anvendt forsking og miljøforvaltning. Vitskapskommunikasjon og formidling har vore viktig for henne, både i akademia og ikkje minst overfor allmenta. Frå 2016 til 2023 har ho vore gründer og dagleg leiar i eit tareselskap og har vore engasjert innanfor ei næring i utvikling, der forskingsbehovet står sentralt i ei umogen verdikjede. Tilbake som forskar omfattar faginteressene hennar framleis alt frå makroalgar til kystøkosystem og vassforvaltning. Samtidig brenn ho for ei omstilling mot naturbaserte løysingar i samfunnet, der innovasjon i næringslivet tener biodiversitet og miljø.

E-post: annelise@runde.no | Mobil: +4790750501

Randi Kjærstad Hagerup

Prosjekttilsett

Randi har ein mastergrad i Kulturmøte frå Høgskulen i Volda. Oppgåva var ei undersøking blant strandryddarar på Nordvestlandet som såg på deira forhold til lokalnaturen og -samfunnet, og korleis deira engasjement eventuelt hadde endra dette. Randi har sjølv vore ein aktiv strandryddar sidan «plastkvalen» i 2017, og skal bistå i OSPAR-prosjektet. Randi arbeidar til vanleg i Sunnmøre Friluftsråd.

E-post: randi@friluftsraadet.no | Mobil: +4799722889