Økokyst er eit nasjonalt prosjekt i regi av Miljødirektoratet som har som mål å overvake økosystem i norske kyst- og fjordområde. Norsk Institutt for Vannforskning (NIVA) leiar delprogrammet ØKOKYST Norskehavet Sør der Runde Forsking er ansvarleg for prøvetaking på to stasjonar: Skinnbrokleia (VT71) i Herøy kommune og Korsen (VR51) i Stranda kommune.

På begge stasjonar blir det teke vassprøver til analyse av næringssalt og klorofyll-a frå fleire djup. Det vert også målt siktedjup og teke prøver av planteplankton med håv og vasshentar, og ei sonde blir brukt til å måle temperatur, salt, oksygen og turbiditet (grumsetheit) frå overflata og til botnen.

På Skinnbrokleia vert det også målt fleire parametrar, inkludert klima- og havforsuringsparameter og dyreplankton.

Les meir om Økokyst hos Miljødirektoratet

‍